Барселона му постави ултиматум на Дембеле, има 48 часа да одлучи

Барселона го загуби трпението со Осман Дембеле и му даде ултиматум од 48 часа на фудбалерот и неговиот агент да донесат конечна одлука.

Договорот на Дембеле истекува на лето, а челниците на Барселона сакаат што побрзо да дознаат дали Французинот ќе стави потпис на нов договор.

Дембеле бара 20 милиони евра по сезона, плус бонус од 20 милиони евра при потпис на договорот, а Барселона не е спремна да му понуди толкава плата.

Барселона му дала ултиматум на Дембеле да одговори на понудата во следните 48 часа. Доколку не го направи тоа, ќе сметаат дека неговиот одговор е негативен.

Во спротивно Барселона е спремна да го продаде овој месец за 30 милиони евра, бидејќи тоа е последната шанса да заработи на неговото заминување.