Барселона доби тужба поради Дембеле – еве што направил!

Осман Дембеле минатото лето пристигна во Барселона како најскапо засилување во историјата, но очигледно дека е многу проблематично момче.

Барселона има сериозни проблеми со дисциплината на младата француска ѕвезда која без дозвола не се појавуваше на некои тренинзи, а сега се појави вест дека им останал должен на бившите станодавци од Германија.

Имено, на адреса на Барселона пристигна тужба за Дембеле, кој наводно останал должен 15.000 евра за станарина, но и 5.000 евра за штетата што ја направил во куќата додека живееше во Дортмунд.

„Секаде имаше ѓубре и ѓубре, имаше гнила храна во фрижидерот и шкафовите, многу стари пластични кеси на подот. Имаше еден куп неплатени сметки зад влезната врата. Како тоа да не беше доволно лошо, Дембеле не ги врати клучевите, па бев принуден да ги сменам сите брави“, открива Герд Вејсенберг, газдата на куќата.

Бидејќи не можеле да дојдат до неговата адреса, Германците тужбата ја испратиле до неговиот актуелен клуб Барселона.

Bild report Ousmane Dembele's former landlord in Dortmund is taking legal action against the player for over €20,000. Said to have left rental home in a bad state, even leaving wardrobes, and floors, full of clothes behind. pic.twitter.com/ox3A5hIENw

— Sport Witness (@Sport_Witness) November 15, 2018