Барса договори уште еден трансфер од Холандија!

Младиот играч за врска на холандски Гронинген, Лудовиг Реис би можел да ја засили Барселона.

Каталонскиот клуб активно работи на засилувањата за следната сезона, а како што пренесуваат тамошните медиуми следна аквизиција би можел да биде и 18-годишниот Реис.

Играчот за врска со словачко потекло оваа година за Гронинген одигра 25 натпревари и го привлече вниманието на многу европски гиганти.

Наводно Барселона реагирала најбрзо и нивниот спортски директор Бакеро во неколку наврати разговарал со челниците на холандскиот клуб.

Каталонските медиуми пренесуваат дека трансферот е пред реализација, но финансиските детали од трансферот се уште не се познати.

Потсетуваме, Барселона неодамна за 75 милиони евра го комплетираше трансферот на Френки де Јонг од Ајакс, а блиску до трансфер на „Камп Ноу“ е и 19-годишниот дефанзивец Матијас де Лихт.

Барселона активно работи на подмладување на тимот за следната сезона, но се уште не е познато дали 18-годишниот Реис веднаш ќе биде дел од првиот тим, или најправо ќе игра во Барселона Б.

Постои оција и една сезона да биде позајмен во друг шпански клуб, а потоа да се врати во Барселона следното лето.

https://youtu.be/avreGHaF8oQ