Барса го сака дефанзивецот на Ливерпул

Како што пренесуваат англиските медиуми Барселона е силно заинтересирана за десниот бек на Ливерпул, Нтаниел Клајн.

Каталонците се спремни да издвојат 25 милиони евра за потписот на англискиот репрезентативец, но тешко дека таа сума ќе биде доволна да се убеди Ливерпул.

После заминувањето на Дани Алвеш, Барса има проблем на таа позиција бидејќи Алиеш Видал не ги исполни очекувањата на Луис Енрике, па моментално како десен бек игра Серџи Роберто.

Барселона сака да донесе засилување на десната бековска позиција уште во јануари, а доколку не успее да го купи Клајн, ќе се насочи кон Стефан Лихштајнер на кого му истекува договорот со Јувентус на крајота на сезоната.