Баерн Минхен ја „краде“ големата желба на Манчестер Јунајтед

Дефанзивецот на Наполи, Ким Мин е мета на многу европски гиганти и се очекува голема битка за неговиот потпис.

Ким Мин пристигна минатото лето во Наполи и се покажа како одличен трансфер бидејќи во својата прва сезона беше избран за најдобар дефанзивец во Серија А.

Кореецот во договорот со Наполи има откупна клаузула од 60 милиони евра, која неколку клубови се спремни да ја платат.

До пред неколку дена се тврдеше дека Манчестер Јунајтед е фаворит за неговиот потпис, но Баерн Минхен се вклучи сериозно во трката.

Италијанските медиуми пренесуваат дека Баварците се во напредни преговори со Ким и се спремни да ја платат откупната клаузула.

#Calciomercato | @FCBayern – #Kim, la trattativa sta andando avanti. I bavaresi sono in pole per pagare la clausolahttps://t.co/Iy2zjFqUbK

— Gianluca Di Marzio (@DiMarzio) June 15, 2023