Ањели: Не е само Јуве во прашање, УЕФА работи против италијанските клубови

Целиот фудбалски денес зборува пеналот во судиското продолжение кој Роналдо го претвори во погодок и го одведе Реал во полуфиналето.

Бурни ракции пристигнуваат од целиот свет, очекувано се огласи и претседателот на Јувентус, Андреа Ањели.

„Moраме да останеме мирни и да ја анализираме ситуација. Гледам дека во многу земји е воведен ВАР, а видов и инциденти кои се случуваа на штета на италијанските клубови. Милан беше оштетен против Арсенал, на Рома не и беа досудени два пенали против Барселона, сега Јувентус. Се докажа дека на Лигата на шампионите и е потребен ВАР. УЕФА нема доволно добри судии или пак истите работат на штета на сите италијански клубови“.

„Играчите грешат, па така и судиите. Но овој судија целосно ја изгуби контролата над ситуација. Направи целосен хаос. Жал ми е поради играчите, потврдивме дека како и Рома можеме да надополниме три гола негатива. Најважно е дека имаме технологија и истата треба да се воведе и во Лигата на шампионите“, изјави Ањели.