Арсенал и Сити се „тепаат“ за босански талент

Младиот играч за врска на Хелсингборг, Армин Гиговиќ се наоѓа на мета на англиските гиганти Арсенал и Манчестер Сити.

18-годишниот Гиговиќ веќе е првотимеч на шведскиот клуб и се смета за еден од најталентираните играчи за врска во Европа, па наскоро би можел да се пресели во Премиер лигата.

Како што пренесуваат англиските медиуми Хелсингборг е спремен да го продаде талентот со потекло од БиХ за 3,5 милиони фунти.

Причината за толку ниската цена е што неговиот договор со шведскиот клуб истекува во ноември следната година.