Арсенал го враќа Рафиња во Премиер лигата

Арсенал е силно заинтересиран за крилниот напаѓач на Барселона, Рафиња, пренесуваат англиските медиуми.

Рафиња ова лето дојде како големо засилување во Барселона за 65 милиони евра, меѓутоа Каталонците не се задоволни од неговиот допринос и како се вклопи во тимот, па се спремни да го продадат.

Арсенал го сакаше Бразилецот и минатото лето додека играше за Лидс, па сака да го врати во Премиер лигата.

Барселона не би имала против да го продаде Бразилецот за да си ја подобри финансиската состојба и сака да ги врати вложените пари за него.

Менаџерот Артета побарал да му биде доведен Рафиња, а раководството на „топџиите“ наскоро ќе стапи во контакт со менаџерот.