Анчелоти: Хамес ќе ни донесе квалитет, ќе се бориме со Јуве и Интер!

Тренерот на Наполи, Карло Анчелоти изјави дека неговиот тим ќе се бори со Јувентус и Интер за Скудетото оваа сезона.

Анчелоти смета дека „нероаѕурите“ ќе го подигнат нивото со доаѓањето на Конте и ќе бидат конкуренти за титулата.

„Наполи ќе се бори со Интер и Јувентус. Тие ги сменија тренерите, а ние добро се познаваме. Нема да има големи промени, но очигледно дека сакаме да се подобриме во однос на минатата сезона. Убеден сум дека оваа сезона ќе биде подобра за нас, ќе бидеме поквалитетни“, изјави Анчелоти.

Медиумите во Италија пишуваат дека Наполи е на чекор да го комплетира трансферот на Хамес Родригез од Реал Мадрид.

„Хамес сигурно ќе ни донесе поголем квалитет и поголема стабилност на тимот. Но, за жал тој се уште не е наш играч. Не сакам да зборувам за фудбалери на други клубови. Бараме играч кој може да игра на неколку позиции во средниот ред“, истакна Анчелоти.

Ancelotti: "Apprezzo Icardi ma nulla di pi . Manolas fortissimo. Quest'anno alzi… https://t.co/uaayiyC1iy pic.twitter.com/oNbqUeREoD

— La Smorfia Digitale (@SmorfiaDigitale) July 8, 2019