Анри: Не треба да се биде паметен за да се види дека Ливерпул е најдобар

За легендата на Арсенал, Тиери Анри нема дилеми Ливерпул веќе е шампион.

Ливерпул со победата над Лестер стигна до предност од 13 бодови и учинок од 17 победи и едно реми.

Тешко е да се верува во некакво чудо, така смета и легендарниот играч на Арсенал Тиери Анри.

„Кога ќе дојдеш на гостување во Лестер и ќе победиш на таков начин тогаш повеќе не се поставува прашањето дали, туку кога Ливерпул ќе ја обезбеди шампионската титула. Не треба да се биде многу паметн за да се види дека Ливерпул сезонава е подобар од сите останати. Ја верувам дека имаат шанси и да останат непоразени. Ќе продолжам тоа да го потенцирам, не поради Арсенал и нашиот успех, туку затоа што тоа би бил неверојатен подвиг“, изјави Анри.

Ќе потсетиме Ливерпул на титула во Премиер лигата чека веќе 30 години и сега до неа изгледа ќе стигнат на брутално доминантен начин.