Американците бараат суспензија за Јокиќ

Кошаркарите на Денвер Нагетс ја забележаа втората победа во серијата против Лос Анџелес Лејкерс (101:99), но победата падна во втор план по видеото на кое се гледа тепачка на трибините во која учествуваат браќата на Никола Јокиќ.

Откако влегол во расправија со еден од обожавателите, Страхиња Јокиќ со тупаница го удрил навивачот во глава и со тоа предизвика лавина коментари.

Видеото ги преплави социјалните мрежи, а набрзо полицијата објави дека отворила истрага и побара сведоците на настанот да помогнат во пронаоѓање на жртвата која не го пријавила случајот.

Паралелно со тоа, покрај барањето за забрана за влез на Страхиња на натпреварите, се појави и барање Никола Јокиќ да биде суспендирани. Одредени навивачи сметаат дека со суспензија на Јокиќ НБА лигата би испратила јасна порака дека ќе биде ригорозна во иднина за ваквите ситуации.

I think the league has to send a message here that this is unacceptable and suspend Nikola Jokic for at least 5 games. https://t.co/hzxDuYXBOA

— Insane Asylum Sources (@hmfaigen) April 23, 2024