Во сезона во које игра под очекувањата, Јувентус сепак успеа да освои трофејот совладувајќи ја Аталанта во финалето на Купот на Италија со 1:0.
Избраниците на Алегри во првенството стигнаа и до пласман во Лигата на шампионите наредната сезона, но навивачите на „старата дама“ очекуваат повеќе.
Лига Нации: Се освен прво место ќе биде катастрофа за Македонија! ↓↓↓
Алегри по натпреварот зборуваше за медиумите за важноста на овој триумф.
„Јувентус е победа и сè е содржано во оваа реченица. Многу сум среќен за момците, тие завршија добра работа, донесоа радост на клубот, навивачите и мене, па јас сум многу среќен. Победата никогаш не е лесна, но тоа е во ДНК на Јувентус“, изјави Алегри.
Во медиумите се најавува негово заминување од клупата, а Алегри потврди дека клубот ја разгледува неговата ситуација.
„Ако не бидам тренер на Јувентус следната година, со оглед на тоа што тоа сега го разгледуваат луѓето од Јувентус, оставам силен Јувентус. Сега сум тука и од утре ќе работиме за следната победа, останатото е на клубот да одлучи“, истакна Алегри.
Учество во игри на среќа е дозволено за лица со 18+ години. Играј одговорно!