Јокиќ во натпреварот во кој Србија освои бронза испиша историја

Никола Јокиќ зад себе има одличен турнир на Олимписките игри во кој со Србија стигна до бронза, а успеа и да го запише своето име во историја.

Против Порторико за малку не дојде до трипл-дабл, но тоа му успеа денеска во натпреварот за бронза против светскиот шампион. Јокиќ на шест минути до крајот дојде до трипл-дабл и средбата ја заврши со 19 поени, 12 скока и 11 асистенции.

Со овој трипл-дабл Јокиќ стана само четвртиот кошаркар на кого му успеало вакво нешто.

Претходно тоа им успеало на Леброн во полуфиналето токму со Србија, Лука Дончиќ во 2021 година и Сергеј Белов во 1976 година.