Јирген Клоп го откри својот фаворит на Европското првенство

Поранешниот менаџер на Ливерпул, Јирген Клоп верува во репрезентацијата на Германија, но смета и дека Шпанија може да стане нов европски шампион.

Откако го напушти Ливерпул по девет годни Клоп со сопругата е во Мајорка каде што ужива во животот без тренерската работа.

„Цел живот сонував за куќа на југот. Го сакам ваквото време, ја сакам климата, луѓето тука…Многу ми одговара ова место“, изјави Клоп.

Иако не е фудбалски ангажиран сепак го следи Европското првенство.

„Германија е добра, Франција исто така, Англија очекувам да биде подобра дефинитивно. Во овој момент сепак мислам дека Шпанија покажа најмногу“, изјави Клоп.

Токму Германија и Шпанија ќе играат во четвртфиналето на во петок во Штутгарт, а во преостанатите натпревари силите ќе ги одмерат: Франција – Португалија, Англија – Швајцарија и Холандија – Турција.