Јаховиќ за Анталијаспор дебитираше со гол, но и се повредил

Во викендот кој е зад нас македонскиот напаѓач Адис Јаховиќ дебитираше со гол во Анталијаспор.

Изгледаше дека Јаховиќ има супер деби во новиот тим во кој ќе игра заедно со ветеранот Лукас Подолски. Меѓутоа освен што постигна гол, Јаховиќ против Днизли заработил и повреда на главата при еден судир со противнички фудбалер.

Јаховиќ заработил посериозен потрес на мозокот и беше заменет на полувреме. Сега според последните информации го очекува пауза од еден месец.

Јаховиќ со Анталијаспор потпиша договор на година ипол со опција истиот да биде продолжен на уште една.