Ѓоковиќ го изгуби првиот сет во 2024 година, но дојде до втората победа

Новак Ѓоковиќ дојде и до втората победа во 2024 година откако рано утрово беше подобар од Јиржи Лиехечка од Чешка со 2:1 во сетови (6:1, 6:7 и 6:1) на тимскиот Јунајтед Куп во Перт.

Без проблеми Ѓоковиќ го доби првиот сет, а вториот сет го започна со брејк, но кога сите помислија дека најдобриот светски тенисер нема да има проблеми противникот почна да игра подобро.

Успеа да дојде Чехот и до тај-брејк каде и што излезе како победник, па затоа мораше да се игра и решавачки трет сет во кој Новаак повторно го подигна нивото на игра и до израз дојде квалитетот.

Во мечот во женска конкуренција Олга Даниловиќ беше поразена од Маркета Воудрушова со 1:2, па така победникот од пресметката помеѓу Србија и Чешка ќе се решава во дуелот во двојки.