Челзи сака да го „украде“ Гави од Барселона

Шпанските медиуми пренесуваат дека Челзи е силно заинтересиран за 17-годишниот талент на Барселона, Гави и сака да го донесе на „Стенфорд Бриџ“.

Актуелниот договор на Гави истекува во јуни 2023 година, а во него има откупна клаузула од „само“ 50 милиони евра.

Гави блесна оваа сезона и со своите настапи ја импресионираше цела Европа, па на 17 години веќе е стандарден член на шпанската репрезентација.

Поради тоа Барселона веќе започна преговори за продлжување на соработката, а во новиот договор ќе има откупна клаузула од 1 милијарда евра, исто како кај Педри и Фати.

Пред да биде потпишан договорот, Челзи ќе се обиде да го „украде“ Гави и да ја плати откупната клаузула.

Меѓутоа, конечната одлука сепак ќе ја има самиот фудбалер, а се чини дека тој преферира да остане на „Камп Ноу“.