Четирите порази на последните пет натпревари веројатно ќе означат крај на кратката авантура во Интер за холандскиот тренер Франк де Бур. „Нероаѕурите“ после синоќешниот пораз од Сампдорија се на 11-то место на табелата.
Улични кучиња: Системски или човечки проблем? | Уште еден поткаст
Де Бур го загуби курсот, тимот нема игра, а и односите во соблекувалната се на најниско ниво, што најдобро го отсликува реакцијата на Едер, кој откако беше заменет против Сампдорија, најпрвин одби да се ракува со тренерот, а потоа и плукна кон клупата.
Едер беше заменет од Иван Перишиќ за кого пред мечот италијанските медиуми тврдеа дека влегол во „клинч“ со тренерот Де Бур.
Холанѓанецот доби добар тим, според имињата способен да се вмеша во борба за титулата, но како игра Интер борбата за опстанок е пореална опција. Поради тоа корпорацијата „Сунинг“, во чија сопственост е клубот, најдоцна до вторник ќе го смени Де Бур.
Како можни наследници на Холанѓенецот се споменуваат поранешниот играч на овој клуб Андреа Мандорлини (поранешен тренер на Аталанта и Верона), потоа Стефано Пиоли, Лоран Блан и Леонардо.
Учество во игри на среќа е дозволено за лица со 18+ години. Играј одговорно!