Барселона успеа да се пласира во четвртфиналето на Лигата на шампионите за прв пат по сезоната 2019/20, но тоа засега нема да го натера Чави Ернандез да ја смени својата одлука.
Зошто проблемот со улични кучиња СÈ УШТЕ постои? | Уште еден поткаст
Тренерот на Барселона по победата над Наполи потврди дека со него ништо не се сменило и дека верува дека на тимот му е потребна нова енергија од следната сезона.
„Едвај чекам Лигата на шампионите да се врати на „Камп Ноу“ и секако дека ќе уживам, но само како навивач. Мојата одлука не е променета“, изјави Чави.
За разлика од Чави, многу играчи по победата над наполитанците изјавија дека сакаат тој да остане на клупата и во следната сезона. Ова го кажаа и Роналд Араухо и Фермин Лопез, но и многу други претходно, но каталонските извори пишуваат дека единствената личност која може да го натера Чави да се премисли е Жоан Лапорта.
Претседателот на Барса ги разгледува сите опции, Пини Захави му го нуди Ханси Флик, а големи се шансите и Јулијан Нагелсман да биде слободен по ЕП.
Засега се останува исто, Чави си заминува на крајот од сезоната иако има договор, но во Каталонија се размислува дека добрите резултати и ваквата игра против Наполи може да му ја сменат одлуката.
Учество во игри на среќа е дозволено за лица со 18+ години. Играј одговорно!