Флојд Мејведер објави крај на кариерата: Моето здравје е најважно

Eден од најголемите боксери на сите времиња, Флојд Мејведер одлучи да каже – доста!

На 42 години Мејведер донесе одлука да стави крај на кариерата. Последен пат во рингот Флојд беше во 2017 година кога во Лас Вегас се бореше против Конор Мегрегор, а од тогаш се шпекулираше дека ќе има нова борба со Мани Пакјао или Канело Алварес, сепак тоа нема да се случи.

„Ме бараа неколку пати да се вратам во рингот, но моето здравје е мое богатство. Боксот е брутален спорт. Ќе продолжам да патувам и да учествувам во егзибициони борби, сосема добро заработувам и така, повеќе отколку од некои боксери“, изјави Мејведер.

Кариерата Мејведер ја завршува со скор 50:0 и 12 светски титули.