ФИБА воведе ново правило за невакцинираните пред натпреварот на Македонија со Шпанија

ФИБА воведе нов протокол за заштита од коронавирусот пред стартот на квалификациите за СП 2023 во кои ќе настапи и Македонија.

Сите официјални лица меѓу кои се кошаркарите, тренерите, медицинскиот тим, но и судиите и делегатот кои не се целоно вакцинирани (со две дози) ќе мора да прават тест на само три часа пред почетокот на натпреварите.

Ова ќе се спроведува и на на натпреварот против Шпанија кој ќе се игра на 26. ноември во „Јане Сандански“. Засега не е познато што би се случувало ако некој биде „позитивен“ на тоа тестирање.

Селекторот на Македонија, Драган Бајиќ се уште не ги објавил имињата со кои ќе се спротистави на Шпанија.