Фантастичен ролинг, па проектил – Барди сантиметри го делеа од гол на колото во Ла Лига (ВИДЕО)

Леванте на Енис Барди вчера изгуби во натпреварот против Леганес (1:0). Во овој натпревар Барди беше блиску да го постигне голот на колото во Ла Лига.

Македонскиот фудбалер ја имаше најголемата шанса за Леванте да стигне до погодок. Во финишот од првиот дел Барди со еден фантастичен ролинг се ослободи од противничкиoт чувар после што испрати вистински „проектил“.

Сепак, за жал топката заврши во стативата од голот на Леганес. Тешко дека голманот ќе имаше некакви шанси ако ударот на Барди одеше кон мрежата.