Фабрегас ја отвори душата: Бев уништен, често доаѓав дома и плачев

Сеск Фабрегас во 2011. година го напушти Арсенал и потпиша за Барселона, а подоцна заигра и за Челси.

Навивачите на Арсенал тоа го окарактеризираа како големо предавство, бидејќи Сеск беше капитен, но и дете на Арсенал.

Тој одлучи после девет години откако замина од Арсенал конечно да проговори за се што тогаш се случувало во овој клуб.

„Бев капитен и чувствував многу притисок. Морав својот тим да го водам до победа и давав се од себе. Некогаш доаѓав дома и плачев. Страдав и со ноќи не спиев. Кога ќе загубевме во автобусот бев уништен, а ги слушав соиграчите како се смеат и размислуваат каде ќе излезат кога ќе се вратиме назад. Сметам дека во последните две или три години само Робин ван Перси и Самир Насри беа на мое ниво.“ – изјави Фабрегас.