Ураганот Челзи во офанзива – троши 250 милиони на оваа четворка!

Антонио Конте го подигна Челзи од мртвите и неколку кола пред крајот ја освои титулата во Премиер лигата, а до крајот има шанси да освои и дупла круна, бидејќи игра во финалето од ФА Купот.

Поради тоа Абрамович е решен да му ги исполни сите желби на италијанскиот стратег и веќе спремил огромен буџет за летни засилувања со кои „сините“ следната сезона ќе можат да се борат за европскиот трон.

Челзи поради дебаклот минатата сезона, оваа година не играше во Европа, па за разлика од ривалите можеше со сите сили да се насочи кон Премиер лигата.

Поради тоа Антонио Конте е свесен дека за следната сезона ќе му биде потребен поголем квалитет, но и квантитет, па побара неколку големи засилувања од сопственикот Абрамович.

Англиските медиуми пренесуваат дека „сините“ веќе го договориле првиот транасфер. Пристигнува младиот играч за врска на Монако, Бакајоко кој имаше фантастична сезона и за кого Челзи се согласил да плати 50 милиони евра.

Меѓутоа тоа не е се, Конте на располагање ќе има 250 милиони евра и планира во летниот преоден рок да донесе уште три големи ѕвезди на „Стенфорд Бриџ“. Најголема желба е Алексис Санчез од Арсенал, а како алтернатива се споменува Алваро Мората бидејќи „топџиите“ не сакаат да го продадат Чилеанецот на конкурент од Премиер лигата.

Во одбраната прва желба е стоперот на Саутемптон, Вирџил ван Дијк чија цена моментално изнесува околу 50 милиони евра, додека како централен напаѓач Конте го сака Ромелу Лукаку со кого веќе се започнати преговорите и за кого „сините“ се спремни да платат 80 милиони евра.