УЕФА ќе го раскине договорот со „Газпром“

УЕФА сериозно размислува да го прекине спонзорскиот договор со „Газпром“ поради воената офанзива на Русија над Украина.

Од европската централа се консултираат со адвокати какви чекори да преземат за да го раскинат договорот на најдобар начин.

Руската компанија е еден од водечките спознори на УЕФА и Лигата на шампиони од 2012 година. Минатата година „Газпром“ потпиша нов спонзорски 3 годишен договор тежок 40 милиони евра.

После воената офанзива на Русија и германскиот клуб Шалке го тргна логото на „Газпром“ од своите дресови.