УЕФА повторно ја казни фудбалската репрезентација на Србија

УЕФА повторно го казни фудбалскиот сојуз на Србија со еден натпревар играње пред празни трибини плус уште еден, но условно.

Тоа значи дека репрезентацијата на Србија против Луксембург ќе игра без присуство на публика, но челниците од Фудбалскиот сојуз на Србија најавија дека ќе ја замолат УЕФА на стадионот да бидат присутни деца, исто како на натпреварот на Партизан неодамна.

Српските медиуми пишуваат дека за сега не е познато зошто нашите соседи се казнети. УЕФА исто така ќе го следи и натпреварот помеѓу Србија и Украина и во случај на најмал инцидент на тој натпревар казната ќе биде дополнително проширена.

Србија во моментов е третопласирана во групата Б со многу мали шанси за пласман, па својот пат кон Европското првенство ќе го побара преку Лигата на нации.