УЕФА му дозволи на Шахтјор да игра пријателски натпревари во Турција

Фудбалерите на Шахтјор добија дозвола од украинските власти да ја напуштат Украина и да продолжат да тренираат во Турција.

Во наредниот период тие ќе одиграат неколку пријателски натпревари кои ќе бидат и од хуманитарен карактер.

„УЕФА ни одобри да бидеме домаќини на неколку пријателски натпревари во Турција. Така нашите украински играчи добија дозвола да ја напуштат земјата“, изјави спортскиот директор на клубот, Дарио Срна.

Екипите со кои Шахтјор ќе игра пријателски натпревари се Бешикташ, Фенербахче, Севиља, Лацио, ПСЖ и Хајдук. Инаку, вчера Шахтјор објави фотографии на кои може да се види дека нивниот тренинг центар бил гранатиран (ТУКА).