Поранешниот репрезентативец на Македонија Иван Тричковски кој шест години го носи дресот на АЕК Ларнака вчера ја доби „златната копачка“ за најдобар стрелец во кипарското првенство за изминатата сезона во која постигна 15 гола.
Тричковски од репрезентацијата на Македонија се прости после Европското првенство ова лето, а за Македонија одигра 67 натпревари и постигна седум гола.
Исхрана, повреди и тренинг – совети од доктор по спортска медицина | Уште еден поткаст
„Не можам да бидам повеќе горд и посреќен! Горд сум на себе и семејството, заслужни за оваа награда се и соиграчите, среќен сум што конечно добив „златна копачка““, изјави Тричковски при добивањето на наградата.
Во кариерата Тричковски играше уште за Вардар, Работнички, Црвена Звезда, Енозис, АПОЕЛ, Бриж, Весланд Беверен, Ал Наср и Легија Варшава. Во АЕК е од 2016 година.
Учество во игри на среќа е дозволено за лица со 18+ години. Играј одговорно!