Фудбалерот на Барселона Луис Суарез е свесен дека неговиот тим мора да победи на сите натпревари до крајот на првенството за да има шанса да ја освои титулата.
Суарез донесе победа на својот тим во натпреварот од 35. коло во Ла Лига против Еспањол. Каталонскиот гигант сега има бод помалку и натпревар повеќе од Реал Мадрид кој игра со Алавес.
„Нашата цел е да победиме во наредните три натпревари. Мислиме на нашите натпревари и чекаме кикс на Реал. Ако тие изгубат бодови ќе се обидеме да ја искористиме приликата“, изјави Суарез.
Барселона до победата против градскиот ривал дојде потешко од очекуваното.
„Знаевме дека ќе биде тежок натпревар поради ситуацијата во која е Еспањол. Бевме и уморни од натпреварот во недела. Сепак, најважно е што освоивме нови три бода“, потенцираше Уругваецот.
Учество во игри на среќа е дозволено за лица со 18+ години. Играј одговорно!