Спалети: Едноставно е за тренерот кога имате фудбалери како Елмас

Наполи вчера со 3:0 ја победи Легија, а македонскиот фудбалер Елиф Елмас го одигра целиот натпревар и беше асистент за последниот гол.

„Кога имате толку офанзивни фудбалери, може да барате начин како да го скршите отпорот на противникот. Со Осимен, Мертенс и Инсиње на теренот работите стануваат полесни да се најде тој момент на теренот. Елмас многу работеше и фудбалери со таков однос за тренерот е едноставно. Среќен сум затоа што мислам дека тешко е да одиграме подобро од тоа што го направивме. Покажавме дека сме заинтересирани за Лига Европа“, изјави Спалети.

Тимот на Наполи е одличен во Серија А на стартот од сезоната, тие се лидери со осум победи во исто толку натпревари.