Сензација во најава: Жена ќе биде нов тренер на Ѓоковиќ!?

Веќе неколку дена се шпекулира кој би можел да биде нов тренер на Новак Ѓоковиќ, а сега во српските медиуми се појави сензационална најава.

Наводно, две жени се во „битка“ за пополнување на таа позиција, а популарниот Ноле би можел да бира меѓу Амели Морезмо и Кончита Мартинез, пишува српски „Курир“.

Се наведува дека причината за ваква одлука е дека тоа би донело сосема поинаков однос меѓу тренерот и играчот. На светскиот рекет број еден во оваа фаза од кариерата му треба мир и трпение, а не изливи на гнев и нервоза.

Да потсетиме, Ѓоковиќ неодамна ја прекина соработката со тренерот Горан Иванишевиќ, а моментално работи со Ненад Зимоњиќ и уште неколку луѓе од тенискиот свет.