Селекторот на Мароко: Ние сме Роки Балбоа

Репрезетацијата на Мароко е вистинска сензација на Мундијалот откако обезбеди историско полуфинале елиминирајќи ги Шпанија и Португалија.

Фудбалерите на Мароко станаа прва африканска репрезентација која  се пласираја меѓу најдобрите четири репрезентации во светот, а селекторот Валид Реграгуи го опиша нивниот успех.

„Луѓето зборуваат за нас како да сме големо чудо. Ние не сме чудо, ние сме Роки Балбоа, го правиме тоа што го знаеме. А знаете дека обичниот народ сака да навива за Роки Балбоа. Пред почетокот на Мундијалот ме прашаа дали може да го освоиме турнирот. Зошто да не? Може да сонуваме“, вели селекторот.