Сега и потврдено: Кој ќе ја пополни „дупката“ во француската одбрана на Мундијалот?

Уште едно звучно име сигурно го пропушта Мундијалот.

Денес и официјално беше потврдено дека Лоран Кошчиелни ја оперирал Ахиловата тетива и дека го очекува шест месеци паузи. Капитенот на Арсенал на терените ќе се врати дури кон средината на следната сезона, а со оглед на заминувањето на Мертезакер во пензија, значи дека „топчиите“ сигурно ќе мораат да се засилуваат во одбраната.

Кошчиелни беше планиран како сигурен репрезентативец, но сега селекторот Дидие Дешам мора да му пронајде замена. Тандемот во француската одрбана со сигурност на СП ќе го сочинуваат Самуел Умтити и Рафаел Варан, а остану да се види кој ќе биде нивна алтернатива.

До тој статус во овој момент најблиску се Кимбампе од Пари Сен Жермен и Емерик Лапорт од Манчестер. Останатите опции се Адил Рами (Марсеј) и Курт Зума (Стоук).