Се огласи Дембеле: Не заминувам, тука ќе останам уште долго

Осман Дембеле минатото лето пристигна во Барселона од Борусија Дортмунд и се очекуваше да биде големо засилување.

Сепак, офанзивниот фудбалер на самиот старт на својата авантура во Каталонија заработи тешка повреда, а по враќањето на терените полека започна да прикажува се подобри настапи.

Во шпанските медиуми неодамна се појавија информации дека Дембеле не е задоволен на „Ноу Камп“ и дека би можел веќе ова лето да го напушти клубот.

Самиот фудбалер сега ги демантираше ваквите гласини.

„Не заминувам на крајот на оваа сезона тоа е сигурно. Потпиша договор на пет години, тука ќе останам долго време. Мило ми е поради силната конкуренција и трансферот на Кутињо. Со добри играчи околу себе можете да станете подобри“, изјави Дембеле.

Барселона за Дембеле на „милионерите“ им плати сума од 105 милиони евра.