Саудгејт по поразот од Италија: Мислам дека е ова чекор во добар правец

Англија вчера беше поразена од Италија и со тоа испадна во понизок ранг во Лигата на Нации. Селекторот на Англија, Герет Саудгејт по овој натпревар даде малку чудна изјава.

За Саудгејт ова е добар чекор напред пред Светското првенство во Катар.

„Тешко е да се биде премногу критичен после натпреварот во кој имавме повеќе посед и повеќе удари во рамки од голот. Лично мислам дека ова е чекор во добар правец, но ја разбирам реакцијата поради конечниот резултат“, изјави Саудгејт.

Смета дека проблем е ефикасноста.

„Навистина не можам да објаснам зошто не постигнуваме голови. Влегуваме во добри прилики, но имаме проблем со завршниот пас“, изјави Саудгејт.

Нема сомневање дека испаѓањето во Б дивизијата е големо разочарување за навивачите.