Само Раул и Касиљас пред Винисиус: Бразилецот вечерва се запиша во историјата!

Реал Мадрид вечерва ја печека ЦСКА Москва во рамките на 6-то коло од Лигата на шампиони, а во стартниот тим се најде младиот Базилец, Винисиус Јуниор.

Имено, Винисиус на вечерашниот натпревар ќе се запише во историјата на актуелниот европски шампион Реал Мадрид.

Бразилецот стана трет најмлад фудбалер кој се нашол во стартниот тим на „кралскиот“ клуб во Лигата на шампиони. Винисиус има 18 години и 152 дена, а помлади од него биле само легендите Икер Касиљас и Раул Гонзалез.

Раул своето деби во Лигата на шампиони го имаше со само 18 години и 77 дена, додека Икер дебитираше на 18 и 117 дена.

Винисиус ова лето пристигна во Реал Мадрид и откако првите месеци играше за младинскиот тим, Солари го прекомандува во првиот тим.