Салата „Јане Сандански“ ќе биде домаќин на натпреварите на Европското првенство за жени

EХФ денес соопшти дека СЦ „Јане Сандански“ ќе биде салата-домаќин на Скопје на Европското првенство за жени кое пред крајот на оваа година ќе се игра во повеќе земји меѓу кои е и нашата.

Покрај Македонија домаќини ќе бидат Словенија и Црна Гора. Натпреварите кај нас ќе се играат во Аеродром.

ЕП ќе се игра од 4. до 20. ноември. За амбасадор на настанот е избрана словенечката пејачка Сенида која ќе ја изведе и официјалната химна на првенството.