САД со победа против Шпанија на последната контролка пред ОИ 🎥

После изненадувачките два порази во првите две контролки кошаркарите на САД изгледа влегуваат во посакуваната форма пред стартот на Олимписките игри.

На последната контролка тие ја победија Шпанија со 83:76. За избраниците на Грег Попович ова беше четврти натпревар во кои имаат две победи и два порази.

Клучен момент за победата на САД беше серијата од 23:6 во третата четвртина.

Најефикасни кај Американците беа Лилард со 19 поени и Џонсон со 15. Рубио на спротивната страна уфрли 23 поени.