Руни се извини за пијанството и срамните фотографии!

Вејн Руни доби лош публицитет во англиската спортска јавност, откако „Сан“ објави срамни фотографии со напаѓачот во алкохолизирана состојба.

Руни долго во ноќта бил на една венчавка која се случувала токму во хотелот во кој престојувале репрезентативците на Англија, а „Сан“ ексклузивно пренесе дека се опил и ги вознемирувал гостите.

Откако аферата изби во јавноста, Руни упати извинување кон ФА,селекторот и соиграчите.

„Руни навистина жали за фотографиите кои се појавија во јавноста и кои можеа да ги видат фановите. Иако стануваше збор за слободен ден, тој е свесен дека фотографиите се крајно несоодветни за некој кој има таква улога. Тој приватно разговараше со Саутгејт и Ашворт и искрено се извини. Исто така се извинува и на сите млади фанови кои ги видоа тие слики“, вели портпаролот на англискиот капитен.

„Скај Спорт“ тврди дека Жозе Мурињо е бесен на ФА поради тоа што дозволила играчите да се опуштат по победата.