Роналдо си оди, Јувентус тргнува по Салах

Италијанските медиуми лансираа вистинска „бомба“ и тврдат дека Јувентус сака на лето да го донесе Мохамед Салах во своите редови.

Медиумите тврдат дека „старата дама“ на лето ќе се раздели со Кристиано Роналдо и сака да донесе нова ѕвезда во нападот.

Прва мета е Мохамед Салах, чија иднина во Ливерпул е неизвесна откако ги влоши односите со тренерот Клоп. Медиумите тврдат дека Египќанецот сигурно ќе побара трансфер доколку „црвените“ не изборат пласман во Лигата на шампиони.

Јувентус е спремен да се ослободи од Роналдо за да го донесе Салах во Торино. Египќанецот својата фудбалска афирмација ја доживеа во Серија А каде со успех го носеше дресот на Фиорентина и Рома.