Реал потврди: Ги одбивме понудите на Интер и Тотенхем, тој е нашата иднина!

Реал Мадрид потврди дека ги одбил понудите на Интер и Тотенхем за Матео Ковачиќ бидејќи на „Бернабеу“ сметаат дека Хрватот е играч на кого ќе се гради иднината.

Иако медиумите постојано шпекулираат со неговата иднина, директорот на Реал Мадрид, Јозе Ангел Санчез потврди дека Ковачиќ не е на продажба и дека тој е иднината на клубот.

„Ковачиќ не е на продажба, никогаш нема да го продадеме. Доколку пристигне некоја понуда за него во јануар сигурно ќе ја одбиеме“, потврди Хозе Ангел Санчез.

„Во летото имаше понуди за него, Јувентус и Милан не испратија понуди, но испрати Интер, а од Англија тоа беше Тотенхем. Матео е многу интелегентен и знае дека би играл во стартниот тим во клубавите каде што го бараат, но исто така е свесен дека ние сметаме на него и дека ние многу важен“.

„Ковачиќ е еден од играчите на кои Реал ќе ја гради иднината. Матео уште долги години ќе игра во нашиот клуб“, заклучи спортскиот директор на „кралевите“.