Ракитиќ донесе одлука за својата иднина

Плејмејкерот на Барселона Иван Ракитиќ ја игра последната сезона на „Камп Ноу“ и на лето сигурно ќе ја промени средината.

Ракитиќ оваа сезона го загуби првотимскиот статус и самиот призна дека не е повеќе среќен во Барселона, а неколку европски клубови се заинтересирани за неговиот потпис.

Хрватот силно се поврзуваше со трансфер во Италија, каде интерес покажаа Интер и Јувентус, но последните информации говорат дека поради семејството одлучил да остане во Шпанија.

Имено, Ракитиќ донел конечна одлука и сака да се врати во Севиља, каде ја доживеа својата фудбалска афирмација.

32-годишниот плејмејкер играше во Севиља од 2011 до 2014 година, неговата сопруга е од тој град, па наводно веќе го договорил враќањето на „Санчез Писхуан“.