Проблеми за шпанскиот коментатор: Измисли се, само да не изговори Косово

Натпреварот помеѓу Косово и Шпанија е една од главните теми во медиумите после вчерашните натпревари.

Шпанија ја оправда фаворитската улога и го победи Косово со 0:2, меѓутоа не е резултатот она тоа поради што овој натпревар е во центарот на вниманието. Шпанците не го признаваат Косово, па на секој начин се обидуваа да го избегнат да го изговорат името.

Така беше на прес-конференцијата во ситуацијата со Сарабија – тука.

Поголеми проблеми имаше коментаторот кој го пренесуваше натпреварот. Тој мораше да измисли најразлични изрази само за да не изговори „Косово“.

„Форналас оди во продор, а околу него се многу играчи во синот. Топката се одби во аут за локалната екипа“, објаснуваше коментаторот.

Ова е само еден пример, во текот на натпреварот тој користеше „ривалот на Шпанија“, „екипата во сини дресови“, „нашиот противник“…