Претседателот на ФС Србија се заразил со коронавирус на конгресот на кои беа и луѓето од ФФМ

Претседателот на Фудбалскиот сојуз на Србија Славиша Кокеза е заразен со коронавирусот.

Според она што го пишуваат српските медиуми Кокеза со вирусот се заразил во Амстердам на 44. конгрес на УЕФА кога и се одржа ждрепката за Лигата на Нации.

Засега не е познато како и дали имало некој друг заразен од коронавирусот на тој конгрес.

Треба да споменеме дека на тој конгрес присуствуваа и луѓето од македонската фудбалска федерација, претседателот Муамед Сејдини и потпретседателот Ракиџиев како и селекторот на репрезентацијата Игор Ангеловски.