Повредата на Асенсио го стопира трансферот на Себаљос!?

Реал Мадрид го совлада тимот на Арсенал во синоќешниот натпревар од Интернационалниот куп по изведувањето на пеналите. (3:2)

Сепак, она што фрли сенка на случувањата на теренот е повредата на Марко Асенсио кој во еден дуел со Обамејанг заработи потешка повреда на коленото.

Првите сомнежи се дека се работи за скинати вкрстени лигаменти на коленото, повреда која може да го оддалечи од терените 6 до 8 месеци.

После натпреварот тренерот на Арсенал, Унаи Емери зборуваше за повредата на Асенсио и дали тоа ќе влиае на трансферот на Себаљос.

„Не знам дали оваа ситуација го менува прашањето околу преминувањето на Дани Себалјос во нашите редови. Можам да кажам дека многу ми е жал за повредата на Марко Асенсио. Секако дека не сакавме да повредиме никого, ова се лоши вести за Реал, но и за нас исто така“, истакна Емери.