Пандев: Ова е мојата последна сезона, настап на ЕП, па пензија!

Капитенот на македонската фудбалска репрезентација, Горан Пандев ги кажа своите желби на професионален план во 2021 година.

Пандев кој ќе наполни 38 години сака најпрво да обезбеди опстанок со Џенова, а потоа да се пензионира со настап на Европско првенство во дресот на Македонија.

„Во 2021 година ќе наполнам 38 години и навистина верувам дека ова е мојата последна сезона во кариерата. Прво со Џенова да обезбедиме опстанок, па со Македонија да си го остварам сонот да играм на Европско првенство и потоа одам во пензија“, истакна Пандев.

„Но, останувам во Џенова. Тука играв најдолго, моите деца решија да живееме тука и јас се чувствувам како џеновјанин“, додаде македонскиот капитен.