Пандев: Ова беше прв натпревар и големо искуство, жалам за навивачите

Стефан Даскалов за Спортски од Букурешт

Maкедонија денес го одигра првиот дуел против Австрија во кој не разочаравме, но на крајот сепак изгубивме со 3:1.

По натпреварот зборуваше капитенот Горан Пандев.

„Ова беше прв натпревар и големо искуство за нас. Очекувавме да притиснат во вториот дел, го искористија тој елемент во кој се помоќни од нас. Имаат силна клупа и физички се посилни, па тоа пресуди на крајот. На 1:1 имавме свои шанси, но не ги искористивме“.

Да се одмориме и да се подготвиме за Украина.

„Не чека еден тежок натпревар во кој треба да влеземе максимално. Жалам за навивачите кои дојдоа во Букурешт, благодарен сум што се тука и што навиваа за нас. Се надеваме дека вториот натпревар ќе биде подобар за сите.

Натпреварот против Украина го играме во четврток.