Официјално: Томас Тухел е нов тренер на Челзи!

Тоа што се најавуваше изминатите денови, сега доби официјална потврда – Томас Тухел е нов тренер на Челзи.

Германскиот стратег доаѓа на „Стенфорд Бриџ“ како наследник на Френк Лампард, кој доби отказ после серијата на лоши резултати.

Тухел стави потпис на 18-месечен договор и ќе има за цел да го врати Челзи во Топ 4 сезонава и да избори пласман во Лигата на шампиони.

„Сакам да му се заблагодарам на Челзи за довербата во мене. Ова е голем предизвик за мене, да работам во највозбудливото првенство на светот. Сите ние имаме почит кон работата на Франк Лампард и сега не можам да дочекам да седнам на кормилото и да почнам со работа“, изјави Тухел.

Welcome to Chelsea, Thomas Tuchel! ✍️🔵 #WelcomeTuchel

— Chelsea FC (@ChelseaFC) January 26, 2021