Откриена причината за честите повреди на Азар

Реал Мадрид долго го посакуваше Азар и за неговиот потпис издвои 100 милиони евра, но Белгиецот до денес не ги оправда очекувањата на „Сантиаго Бернабеу“.

Најголема причина за тоа се повредите, поради кои Азар никако не може да има континуитет и да ја врати препознатливата форма.

Лекарот на националниот тим на Белгија, Крис ван Кромбруж смета дека причина за честите повреди е притисокот во Реал.

„Во Реал Мадрид тој е поставен под голем притисок и тој стрес може да се пренесе во мускулен притисок, што доведува до повреди. Еден прави се што е во негова моќ да ги лекува повредите што побрзо и така дополнително си создава притосок врз самиот себе“, изјави белгискиот доктор.