Олиќ суспендиран поради обложување: Направив голема грешка!

Легендарниот хрватски фудбалер е главна тема во спортските медиуми откако заработи суспензија поради недозволено обложување.

Олиќ се обложувал на девет натпревари од Втората Бундеслига, во периодот од 26 август до 11 септември, што е забрането според правилата во германскиот фудбал.

Тој е казнет со суспензија на два натпревари и со парична казна од 20.000 евра од Спортскиот суд во Германија, но медиумите најавуваат дека ќе биде дополнително казнет и од својот клуб.

„Ова беше голема грешка. Одиграв со пријателите систем преку мојата картичка. Се обложивме и на второлигашки натпревари од Германија, но не на меч на мојот клуб Минхен 1860. Немаше тука можност за некоја голема добивка, туку игравме чисто од забава. Но, погрешив и многу ми е жал“, изјави Олиќ.